नकोचं मजला दया दीनता,
नकोचं मजला भिक..।
हक्क माझा मजला हवा,
नको वरवरचे कवतिक..।।

रो..

तेचं ते जगतांनाही,
गवसतं बरचं काही..।
अश्रूंची बांधता तोरणे,
आनंदही निमूट येई..।।
रो..

पाऊस म्हणाला,

माणसं दरवर्षी रंगपंचमी खेळतात,

अन् वर्षभर रंग दाखवतात..।

आता मी रंगपंचमी खेळणार,
अन् माझे रंग दाखवणार..।।
बसा बघत.....................!!
रो..

आतले अन् बाहेरचे,
प्रत्येकाचे जग वेगळे..।
तुझे जग तुझे,
माझे जग माझे..।।

रो..

आपणचं आपल्याला नावाजी,
म्हणे मस्तानीचा मीचं बाजी..।

थडग्यावरची सुकलेली फुले,
केविलवाणी हसतात..।
पुन्हा फिरुनी जीवन नाही,
हेचं सत्य वदतात..।।
रो..

पुढे काय पुढे काय,
विचार कशाला करित बसावे..।
पुढे पुढे चालत राहून,
आनंदी क्षण वेचून घ्यावे..।। 

रो..